गडहिंग्लज : आप्पासाहेब नलवडे गडहिंग्लज तालुका सहकारी साखर कारखान्यात तब्बल २९ कोटी रुपयांचा गैरव्यवहार झाल्याचा धक्कादायक प्रकार उघडकीस आला आहे. या प्रकरणी तत्कालीन अध्यक्ष डॉ. प्रकाश शहापुरकर यांच्यासह २० जणांवर गुन्हा दाखल करण्यात आला आहे. या घटनेमुळे जिल्ह्यात मोठी खळबळ माजली आहे.

 बेकायदा डिस्टिलरी विस्तार, जुना गिअर बॉक्स खरेदी व बॉयलर प्रकरण: यात ११ कोटी ४२ लाख ६४ हजार रुपयांचा गैरव्यवहार झाला आहे. आधुनिकीकरण, विस्तारीकरण व खरेदीमध्ये अनियमितता या सर्व प्रकरणांमध्ये साखर कारखान्याचे लेखापरीक्षक सुशांत फडणीस यांनी गडहिंग्लज पोलिसांत फिर्याद दाखल केली आहे.

फिर्यादीनुसार, पोलिसांनी तपास सुरू केला असून, गुन्हा दाखल करण्यात आलेल्यांमध्ये कारखान्याचे काही वरिष्ठ अधिकारी आणि संबंधित घटकांचा समावेश आहे.

या घटनेमुळे गडहिंग्लज तालुक्यासह जिल्हाभरात मोठी चर्चा रंगली आहे. साखर कारखान्यांमध्ये होणाऱ्या आर्थिक गैरव्यवहारांबाबत आधीपासूनच प्रश्न उपस्थित केले जात होते, मात्र या प्रकाराने सहकारी क्षेत्रात पारदर्शकतेचा मुद्दा पुन्हा एकदा समोर आला आहे.

गडहिंग्लज पोलिसांनी या प्रकरणाचा सखोल तपास सुरू केला असून, आरोपींवर कडक कारवाई होण्याची मागणी केली जात आहे. पुढील तपासाद्वारे आणखी माहिती समोर येण्याची शक्यता आहे.