कोल्हापूर:

 वसंतराव नाईक विमुक्त जाती व भटक्या जमाती विकास महामंडळ अंतर्गत पैलवान कै. मारुती चव्हाण - वडार आर्थिक विकास महामंडळ (उपकंपनी) व राजे उमाजी नाईक आर्थिक विकास महामंडळ (उपकंपनी) तसेच वसंतराव नाईक विमुक्त जाती व भटक्या जमाती विकास महामंडळ (मुख्य कंपनी) कोल्हापूर या कार्यालयामार्फत 1 लाख रुपये थेट कर्ज योजना राबविण्यात येत आहे. सन 2024-25 या आर्थिक वर्षाचे उद्दिष्ट प्राप्त झाले असून 1 लाख थेट कर्ज योजनेमध्ये संपूर्ण कर्ज महामंडळाकडून दिले जाणार असून विमुक्त जाती व भटक्या जमाती व विशेष मागास प्रवर्गातील लोकांनी या योजनेचा लाभ घ्यावा, असे आवाहन जिल्हा व्यवस्थापक किरण गिऱ्हे यांनी केले आहे.

2 हजार 85 रुपयांचे नियमित 48 समान मासिक हप्त्यामध्ये परतफेड करणाऱ्या लाभार्थीना व्याज अदा करावे लागणार नाही. परंतु थकीत हप्त्यावर द.सा.द.शे. 4 टक्के व्याजदर आकारण्यात येईल. (नियम व अटी लागू) अधिक माहितीसाठी महामंडळाचे कोल्हापूर जिल्हा कार्यालय वसंतराव नाईक विमुक्त जाती व भटक्या जमाती विकास महामंडळ (मर्या.) डॉ. बाबासाहेब आंबेडकर सामाजिक न्याय भवन, 3 रा मजला, खो.क्र. 2 विचारे माळ (कावळा नाका) ताराराणी चौक, कोल्हापूर, दूरध्वनी क्र. 0231-2662313 वर संपर्क साधावा.